website.
The adjectival rating for your site is still lacking. It should include
'excellent extraordinaire' my own rating. Congrats... –
Camilo E. Batitis / Santa Rosa, Laguna, Philippines
increase!!!
– Russell Figueras,
TDIP / Pohnpei, Federated States of Micronesia
"KUNG KITA'Y
KAPILING"
SINING NG PAGLAYA
ni Bert Cabual
Sundan
kami sa Facebook
Mula sa panulat niBERT CABUAL
London, United KingdomSINING NG PAGLAYA
Ako ay may ibong kinulong sa hawla
Na likha ng tulang sining ng pagsinta;
Ibon ko’y nagkunwang pagkasaya-saya
Kahi’t na may kimkim na luha sa mata.
Ang lihim na luha niya’t pagdaramdam
Ay subyang sa aking pusong nagmamahal;
Salaghati niya ay pinangambahang
Di makayang bathing saluysoy ng lumbay.
Inaliw ko siya’t aking pinangiti,
Biniro ng birong walang pakunwari;
Sinikap bawahin ang kirot at hapdi
Sa puso ng aking sintang may pighati.
At siya’y nagtawa nang tawang malakas,
Ibon ko’y tumindig at lumundag-lundag;
Siya’y nagbiro rin at simiyap-siyap,
Magkasama kaming sumayaw sa galak.
Nguni’t isang gabi ay aking narinig
Ang awit na taghoy ng ibon kong pipit;
Ibig daw lumaya sa pagkakapiit
Sa hawlang gintong may tamis at pait.
Hawla’y binuksan ko’t aking pinalaya,
Ang ibong mahal ko habang lumuluha;
Nang siya’y lumipad...O! laking hiwaga —
Lumaya rin akong yakap ni Bathala!
TULOY PO KAYO!
Ang mga Overseas Filipino Workers (OFWs) sa iba't ibang panig ng mundo, na kinikilala at ikinararangal ng Pamahalaang Pilipinas bilang mga Bagong Bayani, ang marahil (bagama't di opisyal na inihahayag) ay pinakamainam na produktong pang-export ng bansa.
Nakapagreremit sila ng bilyun-bilyong dolyar na nakatutulong para mapanatiling nakalutang ang ekonomya ng bansa, kapalit ng pagkakawatak-watak ng ilang pamilya, pagkawasak ng ibang tahanan, at miserableng pamumuhay ng iba pa.
May mga sinusuwerte, meron din namang di pa umaalis (o kaya ay pagbalik) sa Pilipinas ay minamalas na. Subali't ano pa man ang maging kapalaran nila sa pakikibaka sa mga hamon ng pandarayuhan at paninilbihan sa lupang banyaga, ang mga OFWs ay tunay ngang Bayani, at handog sa kanila ang mga tula at iba pang katha sa web site na ito.
ANG BAGONG BAYANI
ni Rafael
A. Pulmano
Nilisan ang bansa kapalit ng dolyar
Singaporeang paslit ang inalagaan
Ang sariling anak, nalamnan ang tiyan
Gutom sa kalinga ng magulang naman.
Gurong naghahangad ng riyal na kita
Nag-domestic helper sa Saudi Arabia
Four years nagtiyagang pakadalubhasa
Sa ibang lahi pa nagpapaalila.
Dating chief engineer sa sariling nasyon
Sa abroad nag-apply: karpentero-mason
Noo'y naka-jacket sa lamig ng aircon
Sa init ng araw ay sunog na ngayon.
Sawa na sa laging galunggong ang ulam
Nagsikap marating ang bansa ng sakang
Sariling katawan ang ikinalakal
Umuwing mayaman, malamig na bangkay.
Nagtiis maglayo yaong bagong kasal
Upang pag-ipunan ang kinabukasan
Masakit na birong pag-uwi ng bahay
Nangulilang kabyak, may iba nang mahal.
Sila ang overseas contract workers natin
Masipag, marangal, at mapangarapin
Kahit may panganib, ayaw magpapigil
Legal o ilegal, bansa'y lilisanin.
Gobyernong kaylangan ang foreign currency
Passport, POEA at etceterang fee
Saludung-saludo, labis ang papuri
Sa OFWs - ang Bagong Bayani.
ANG BIGONG BAYANI
Bilyun-bilyong dolyar
ang sa Pilipinas ay ipinapasok
Na bawa't sentimo
ay sa ekonomya umiikut-ikot
Walang natatapon,
walang lumalabas na kahit karampot
Dahil walang import,
sila'y hundred percent na Philippine Export.
OFW lang
ang tanging pang-export nitong ating bansa
Na ang materyales,
pawis at puhunan, ay sa atin mula
Tatay, Nanay, Kuya,
Ate, Tito, Tita, maski Lolo't Lola
Nagtiis malayo,
pamilya'y iniwan, dahil sa pamilya. more >>>
