ISANG BUKAS NA LIHAM KAY KABAYANG MANNY PACQUIAO

Mahal naming ikinararangal na kabayang PACQUIAO,

Tunay na kay mo palad kabayang MANNY PACQUIAO!  Walang alinlangang maituturing at maibibilang ka sa may tadhanang HINIRANG NG DIYOS sa simpleng dahilang, NILULULHATI MO ANG PANGALAN NG DIYOS sa lahat ng tagumpay mo na inaani sa larangan ng boksing. At walang pasubaling iyon ang dahilan ng sunod sunod mong mga panalo sa mga hindi birobirong kalaban nagbigay karangalan sa ating bansa.

Nang mapanood ko ang laban mo kay Hatton at masaksihan ng buong mundo ang muling PAGBIBIGAY LULHATI MO AT PAPURI SA DIYOS ng may kababaang loob, tunay na hinangaan ka ng buong mundo, hindi dahil sa galing mo lang sa boksing kundi ANG PANANALIG MO SA DIYOS na naging isang pambihirang pagkakataong makita ng lahat ng tao at
tuloy maging daan ng isang "REFLECTION" at PAGSUSURI ng mga tao sa sariling PANANALIG DIN NILA SA DIYOS KUNG GAANO KALAKAS O KALALIM din.  Walang ibang sikat na boksingerong naipahayag na katulad mo ang MALAKAS NA PANANALIG SA DIYOS sa pamamagitan ng talento nila sa boksing!  Binuksan mo  ang maraming mayabang na kaisipang nanalig sa sarili nilang lakas at talino sa kanilang mga tagumpay sa buhay, na nalilimutang ang DIYOS ANG NAGBIBIGAY AT MAGPAPALA!  Umantig sa kalooban ng marami ang TAPAT NA PAGDARASAL AT PASASALAMAT MO SA DIYOS sa tuwing may malaking laban kang inaabangan na sa mundo ng boksing. Anupat naging isang kang halimbawa ng FAITH AND HUMILITY sa ating spirituwal na buhay na malimit kang marinig sa homily ng mga kaparian sa simbahan gawing inspirasyon ang buhay mo.

Kabayang Manny Pacquaio, hindi sa nakikialam sa marami mo pang pangarap ng pagtulong sa mga naghihirap nating kababayang Filipino, pero tila marami ang HINDI SANGAYON NA PASUKIN MO PA ANG LARANGANG NG POLITIKA SA ATING BANSA.  Nakalulungkot mang masaksihan ang bumagsak na moralidad ng kahulugan ng salitang POLITIKA sa ating bansa na kasing kahulugan na ng CORRUPTION, na ang politika sa atin sa pananaw ng marami ay tila legal na pagnanakaw sa paggamit sa kapangyarihan sa pangsariling interes, maraming kababayan natin ang nangangamba na MACORRUPT DIN ANG MALILINIS AT MABUBUTI MONG HANGAD NG PAGTULONG SA ATING MGA KABABAYAN. Ito ang nakararaming sapantaha naming mga kababayan mo na hindi nga natin masisisi dahil sa araw araw na namamasid nating nagaganap na iregularidad na regular na sa sistemang politikang Pinoy.  Sabi nga kapag may galit o inggit ka daw sa isang tao, PAYUHAN O UDYUKAN MONG PUMASOK SA POLITIKA.  Maliban na lang kung maging TINIG O BULONG NG DIYOS SA IYONG SPRITUWAL NA BUHAY NA PASUKIN MO NG MAY PANININDIGAN ANG LARANGANG IYAN DAHIL SA MAY IPAPAMISYON SA IYO ANG ATING DIYOS
NA PINAPANALIGAN.  SAMAHAN AT PATNLUBAYAN KA NG DIYOS AT BIGYANG NG KARUNUNGAN SA TAMANG PAGPAPASIYA...

PATNUBAYAN KA NG DIYOS, Manny Pacquiao!  Sa ngalan ng PANGINOONG HESUS NA ANAK NIYA AT PAGDARASAL NI BIRHENG MARIA at ng iyong mapalad na Nanay Dionisia na nagluwal sa iyo.

Tinig ng mga kababayan mong tunay na nagmamahal at nagmamalasakit sa iyo