Site menu:
THANKS TO OUR SPONSORS
PASKO
(Dula-dulaang itinanghal sa Hotel Pere Marquette, Peoria, Illinois 61602, Disyembre 15, 1987.)
Isinulat nina:
Laura B. Corpuz at Pacita D. Morales
Lolo at Lola: Lucas at Pacita Morales
Ninang at Ninong: Thelma Capati at Wilmer Andrada
Nanay at Tatay: Laura Corpuz at Lito Capati
Mga Anak: Aileen Capati, Jennifer at Robert Estoye, Zenaida Falcon
Mga Tindera: Perlita Nichols at Magdalena Raboza
Tagapagsalaysay: Alona Corpuz at Belinda Falcon
Musika: Renato Blancaflor at Daisy Franada
Tilon: Ric Corpuz at Carlito Vero
(Tanawin: Loob ng bahay. Naghahanda ang mag-anak papunta sa simbahan. Tumutugtog ang kampana.)
Nanay: “Dalian ninyo mga anak. Baka
mahuli tayo sa misa de gallo.”
Anak 1: “Nandiyan na po ako, Nanay.”
Anak 2: “Hintayin ninyo ako. Hindi ko
makita ang sapatos ko.”
Anak 3: “Handa na po ako, Tatay.”
Anak 4: “Ako rin po.”
Nanay: “O sige, hihintayin namin kayo sa labas ng
bahay, mga anak.”
Tatay: “Mag-ingat kayo sa paglalakad sa
kalsada.”
(Tanawin: Labas ng simbahan matapos ang misa. May mga tindera. May tugtuging pamasko.)
Nanay at Tatay: “Maligayang
Pasko sa inyo, mga anak.”
Mga Anak: (Magmano)
“Maligayang Pasko rin po sa inyo, Nanay at Tatay.”
(May
mararaanang mga tindera ang mga bata paglabas ng simbahan.)
Anak 1: “Ano po ang tinda ninyo?”
Tindera 1: “Mayruon akong puto at kutsinta.”
Anak 1: “Pagbilhan po ninyo ako ng puto.”
Anak 2: “Mayruon po ba kayong suman?”
Tindera 2: “Mayruon ako, anak. Ilan ba
ang gusto mo?”
Anak 2: “Dalawa po.”
Anak 3: “Kina Lolo at Lola na lang ako kakain,
Ate. Hindi pa naman ako gutom.”
Anak 4: “Ako rin; maraming magluto si Lola, marasap
pa!”
Nanay: “Halina kayo kina Lolo at Lola.
Hinihintay nila tayo.”
Tatay: (Kakatok
sa pinto ng bahay nina Lolo at Lola.)
Lolo:
(Bubuksan ang pinto.) “Tuloy kayo mga
anak.”
Pangatlong Tagpo
Mga Anak: “Mano po, Lolo. Mano po,
Lola.”
Lolo at Lola: “Kaawaan kayo ng Diyos, mga
anak.”
(Nanay
at Tatay – magmamano rin)
Ninong at Ninang: (Naka-upo sa silya.)
Anak 1: “Mano po, Ninong. Mano
po, Ninang.”
Ninang at Ninong: “Kaawaan ka ng Diyos.”
Anak 2: “Lola, ang sarap naman ng amoy ng luto
ninyo!”
Lola: “Para sa ating salu-salo ang lahat ng niluto
ko.”
Lolo: “Halina na kayo, mga anak.
Nakahanda na ang mga pagkain natin para sa Noche Buena.”
Anak 3: “Gutom na nga ako eh.”
Anak 4: “Sabi ko na inyo eh, maraming magluto si
Lola, at masarap pa.”
(Matapos
kumain - Hahaplusin ang tiyan sa busog at magkukuwentuhan)
Anak 2: “Nanay, Tatay, sana’y maging
Pasko araw-araw para narito tayong lagi kina Lolo at Lola.”
Mga Anak: “Lolo, Lola, aalis na po kami.”
“Maligyang Pasko po ulit sa inyo at Manigong Bagon Taon sa
lahat.”
Nanay at Tatay: “Maraning salamat po sa handa
ninyong mga pagkain. Busog na busog po kaming
lahat.”
Buong Mag-anak: (Muling
mag-mamano kasabay ang pagpapalam.)
“Paalam na po.” “Mamasko pa po
kami sa ibang kamag-anak natin.”
Lolo at Lola: “Mag-iingat kayo sa daan.”
The Case of the Viskotso Masaker | Isang Dangkal na Gunita | Pasko | Pirma | San Miguel Arkanghel
Bagong dagdag na pahina: Disyembre 21, 2008