ng London, United Kingdom

---

 

 

SIPAG-PILIPINO

Tulad ng pangakong iniwan sa amin,
nagmasinop ako sa aking gawain;
ang panaho’y di ko ibig palipasing
walang asikaso sa mga tungkulin.

Pakaliwa’t kanan ng trabahong hawak,
inalam kong lipos ng tiyaga’t sikap;
naging masunurin sa bawa’t iatas—
isang Pilipinong balita sa sipag.

Ako ay Porterong nangangalankadakang
maglingkod nang tapat at buong pitagan;
pagka’t ang gusaling kinabibilangan
ay kilalang otel sa uri’t pangalan.

Ako’y ginaganyak ng isang layuning
maabot ang antas ng gintong mithiin;
pinupukaw ako ng piping dalanging
anak at asawa ay paligayahin.

Sila ang dahilan ng pagkamasinop,
sila ang sigliwa ng gawang maayos;
nilalagom ako maging sa pagtulog
ng pananagutan sa naiwang irog.

Sa mga paggising sa bawa’t umaga,
puso’y binubusog ng bagong pag-asa;
tatag ng damdamin sa pamamanata
ang ginagamit kong lakas at sandata.

Isina-isip kong loob ng Batahala
na puhunanin ko ang pawis at luha;
malayo man ako sa sariling lupa,
iwing kasipagan ay isang biyaya.