Site menu:

 SEND EMAIL

 

THANKS TO OUR SPONSORS







ads - group 5
ads - group 6
PAG ANG PUSO'Y NAPUSOY  |  BUTAS NA MEDYAS  |  BUGSO NG GUNITA


BUGSO NG GUNITA

ng London, United Kingdom
 Bugso ng Gunita - Pasintabi
 Bugso ng Gunita - Paalam, Mahal Ko!
  Bugso ng Gunita - Nasa Isip Kita, Nayon Ko
(3) Nasa Isip Kita, Nayon Ko!
 Bugso ng Gunita - Ito ba ang London?
(4) Ito Ba ang London?
 Bugso ng Gunita - London at Maynila
(5) London at Maynila		  Bugso ng Gunita - SIpag-Pilipino
(6) Sipag-Pilipino		  Bugso ng Gunita - Paghanga
(8) Paghanga		  Bugso ng Gunita - Kamanyang Kay Pina
(9) Kamanyang kay Pina 


HAWIG NG PALAD

Bugso ng Gunita - Hawig ng Palad

Sa otel na ako ay isang tauhan,
iba’t ibang lahi ang doo’y kabilang;
may mga Kastila, Portogesa, Indyan,
at iba pang liping balat ay may kulay.

May tawanan kami’t palitan ng biro,
panlunas sa aming kapagura’t hapo;
hindi man kalahi’y kanilang nakuro—
pakisamang-Pinoy ay taos sa puso.

Kahalubilo ko sila araw-araw
sa pakikitalad sa laro ng buhay;
sa pagsama-sama’y aking nawatasan
ang alamat nila at pinanggalingan.

Kaya nandayuhan, aking naulinig,
pagka’t bansa nila’y tigib din ng hapis;
sila ma’y dukha ring nagpapakasakit,
mahango sa lumbak ng basag na langit.

Minsa’y kausap ko ang isang Kastila
na napilitan ding mangibayong-lupa;
iniwan din niya ang kaawa-awang
inirog sa buhay habang lumuluha.

Isinaysay niyang siya’y disgrasyada,
may naiwang anak sa pagkakasala;
ipinaaruga doon sa Espanya
ang irog na bunso sa matandang yaya.

Ang yayang sa anak umaasikaso
ay pinadadalhan ng buwanang sweldo;
sa pana-panahon ay sinusutento
ang supling na mahal nang di mamamagkano.

Sa gayo’y kumislap sa aking isipan
ang lupit ng kanyang naging kapalaran;
hawig ng sa aking mga kababayang
nadapa sa lusak na kababaihan.
PASINTABI | PAALAM, MAHAL KO! | NASA ISIP KITA, NAYON KO | ITO BA ANG LONDON? | LONDON AT MAYNILA | SIPAG-PILIPINO | HAWIG NG PALAD | PAGHANGA | KAMAYANG KAY PINA
Mga katha ni Bert Cabual na matatagpuan sa sayt na ito
Tula:  Ang Makata at ang Alak | Kamanyang Kay Manny Pacquiao | Si Quezon at ang Wika | Soneto kay Paeng | Noynoy: Asin at Ilaw | Kaluluwa ng Lahing Marangal | Maligayang Pasko     
Kwentula: Bugso ng Gunita
Balagtasan: Bata at Pamalo | Si Manny Pacquiao at ang Politika | Dagdag na taon sa Haiskul  
Sanaysay: Saltik-Panitik: Balagtasan
Maikling Kuwento: Ang Dasalan ni Belen | Isang Libo't Isang Halik | May Lihim ang Bahay-bahayan | Mayo at Disyembre | Si Mang Estong

PAG ANG PUSO'Y NAPUSOY  |  BUTAS NA MEDYAS  |  BUGSO NG GUNITA