Sa Bagong Pangulo

SA BAGONG PANGULO

ni Sabicnaco Macauwi

Sa bagong pangulo ng lupang hinirang,
Bansang ginigiliw, Perlas ng Silangan
Sa Hunyo tatlumpu ng kasalukuyan
Sa panunumpa mo sa Quirino Grandstand
Kami sa malayo wag kalilimutan
Sa magandang balak, kami ay idamay.

Kaming napatapon sa ibang lupain
Upang ang pamilya'y laging may makain
Kaming nagtitiis malayo sa piling
Ng mahal sa buhay alang-alang na rin
Sa kinabukasan nila't bayan natin
Pag naluklok ka na ay alalahanin.

Kasang-ayon kami sa dakilang misyon
Magtagumpay sana ang lahat mong layon
Na susugpuin mo ugat ng kurapsyon
At ang kahirapan bibigyang-solusyon
Kaming nasa abroad ay kung magkagayon
Makauuwi na sa sariling nasyon.

Kung ang kahirapan ay malulunasan
Wala nang dahilan upang bansa'y iwan
Kung walang kurapsyon sa pamahalaan
Dolyar na naipon, ipamumuhunan
Talento ng Pinoy ay sariling bayan
At di na banyaga ang makikinabang.

(Pilipino tayong likas na masipag
Ang kulang lang natin ay oportunidad
At ang pantay-pantay na pagpapatupad
Ng batas na walang mayama't mahirap.)
P-Noy, ipadama sa dukha ang habag,
Usigin ang mga nagpasasang korap!

Mga kaugnay na katha:

Noynoy: Asin at Ilaw
ni Bert Cabual

May Paninindigang Di Maaapula
ni Bheng Arellano

Tunghayan din:

BlogTalasan ng Katwiran

PAKSA #05 - Noynoy for President?
TANONG: Dapat bang kumandidatong Presidente ng Pilipinas si Benigno "Noynoy" Aquino III sa halalan sa taong 2010?

PAKSA #04 - Paalam, Cory...Paalam, 'Democracy?'
TANONG: Sa muling pagkagising ng kamalayang makabayan sanhi ng pagpanaw ng dating Pangulong Corazon ‘Cory’ Aquino, ningas-kugon ba lamang ito – o patuloy na mag-aalab sa puso at diwa ng sambayanang Filipino?

Site menu:

THANKS TO OUR SPONSORS

SA BAGONG PANGULO